كدة بقيت رسمي ف الكلية مبروك يا نوران :) انا عرفت من التليفون ف رقم بنتصل بيه ونقول رقم الجلوس تتطلع الكلية اللي جتله بابا اتصل الصبح وقالي مبروك يا نوران جتلك هندسة القاهرة
كان نفسي يجي الجواب علشان اتفرج عليه واقولكوا شكله ايه اكيد شوفتوه بس ا نا لسة محصليش لشرف وشوفته
.
يوم التنسيق رحت سحبت الورق الساعة 10 كان فاضي نوعا ما بس اللي لفت نظري ان كل البنات والاولاد هناك شكلهم دكاترة معرفش اشمعني يمكن علشان اي حد شاطر بيبقى عايز يخش طب ادبي علمي كلهم دكاترة حاجة غريبة يعني
.
جبت الورق والمفروض اني شريحة اولى اقدمه يوم الجمعة مش فاكرة كام سبعة المهم مكتبتش الرغبات غير بعد الفجر لا واحسن حاجة اني لزقت ال48 طابع لوحدي بس كانوا استيكر اكتشفت انهم استيكر من زمان يعني مش من ايامي بس يا سلام فضلنا للساعة ستة ونص قاعدين بابا دخل نام ساعتين وانا كملت لحد الساعة تسعة وبعدين رحنا مكتب التنسيق المعظم ونظرا لانني شريحة اولى وعلمي بخلصت بسرعة ورجعت البيت طبعا مش هقلكوا عملت ايه ولا حاجة طبعا فطرت بعد كده ع السرير مباشرة والحمد لله ع قد كده :)
.
والناجح يرفع ايده هيه
هيه هيه هيه هيه هيه هيه هيه هيه هيه هيه هيه هيه هيه هيه من هنا للصبح
36 comments:
الفففففففففففففففففففففففف مبروك
عقبال الماجستير يا باش مهندسة
اهلا بك طالبه جامعيه معانا
ادعيلنال نخلص احنا البكاليريوس
ألف ألف مبروك يا باشمهندسة
مرحبا بك في هندسة القاهرة فهي عشرة عمر لاتنسي.ويارب تتفوقي فيها
مبروك دخولك كلية الهندسة وعقبال لما تتخرجى انشاء الله
نوران
مبروك تحقيك حلمك ـ انا من فرحتى بعد تقديم اوراقى فى مكتب التنسيق فى سنة ما قبل الميلاد ختها مشى من جامعة القاهرة الى منزلنا العامر واكتشفت انى مشيت حوالى تلات ساعات وانا مش حاسس بالمشى ولا تعب ـ الف مبروك
نوران
ايه اخبار صحبتك دودى صاحبة بلوج
هكذا هى الحياة
مختفية لعل المانع خير
نوران ...
دخول كليه الهندسه ليس الا بدايه ...
الاهم الخروج منها ... اوعي تعملي زيي او زي واحده صاحبتي عندك في هندسه القاهره ... اصله انا في هندسه عين شمس ... فرحنا اوي بدخول هندسه و بقالنا سنين و ايام كتير اوي ... لا تشعري ان ما فعلتيه انجاز لانه البكالوريوس هو الانجاز ... ربنا معاكي و يوفقك ... يا رب تنجحي خدي بالك اعدادي صعبه اوي اوي ذاكري و اطحني زي ثانويه عامه بالظبط
علشان اقل من كده محدش بينجح
اسف اني نكدت عليكي ... مبروك يا ستي بس خدي بالك دي مسئوليه تقيله اوي
انتوك
ألف مبرررروك
وعايزك ترفعي راسنا وتأخدي التسع سنين بتوع الكلية مرة واحدة وبسرعة
:)))
كان شكلهم دكاترة!
إيه يعني !, طالعلهم ديل!
مالهم الدكاترة يا نوران؟!
طيب على فكرة يا نوران , إنت شكلك دكتورة! :)
ألف مبروك يا بشمهندسه
طبعا كل الناس قالولك انك خرجتي من عنق الزجاجه و الليله دي :) كنت بسمعها كل سنه و مفيش فايده
عايزين نشوفك كمان كام شهر في الكليه كده هيبقى ايه النظام و ايه اخبار الروح المعنويه :)) ربنا يوفقك هههه
sherif gharib:
الله يبارك فيك يا بشمهندس وربنا معاكم انتم السابقون ونحن اللاحقون بعد سنوات طبعا :)
وربنا معاك ونقولك مبروك
ابراهيم:
انت شيلهالي علشان بقولك يا دكتور بس تصدق حلو ان الواحد يكون ليه لقب كده يقولولي يا بشمهندسة يا تصدق حلوة
يا رب ارتاح لحسن تعليقات الاخوة المدونين بتقول اني داخلة ع موضوع صعب جدااااااااااااااا
داليا:
الله يبارك فيك يا جميل
مهندس مصري:
كده هنفذ خطة الاستيلاء ع كلية هندسة بانضمامي ليها اخيرا نبقة نتفق هنعمل ايه ماشي يا بشمهندس:)
darweshe:
الله يبارك فيك وان شاء الله لما اتخرج اجي واقولكوا :)
جدو:
الله يبارك ف حضرتك يا جدو وعهقبال ياسمين يا رب
الفرحة بتحقيق حلم الواحد بتبقى جميلة جدا وع راي عبد الحليم حافظ مفيش فرحان ف الدنيا دي زي الفرحان بنجاحه :)
رضوى دخلت السن الحمد لله
انتوك باشا:
بقلكوا كتير اوي فيها مزهتقوش
بس اللي عملته ده خطوة ف طريق الالف ميل اينعم فاضلي اميال كتير بس عملت خطوة في الطريق
انا قالولي كده برضه كل الاخوة البشمهندسين اللي اعرفهم بس السؤال الاهم لو ذاكرت بجد يعني انجح واجيب تقدير واخش القسم اللي عايزاه ولا لأ؟
شكرا ع النصيحة مفيش نكد ولا حاجة مش وقته والله يبارك فيك يا سيدي
البشمهندس محمد:
الله يبارك فيك يا باشا هغيره بس التقدير قرب ع الامتياز هاخرها حوالي 5سنين كده عند البكالريوس ده لو محصليش دروب ان شاء الله وختهم ال5سنين علطول
تصدق التوزيع الجغرافي ده سخيف جدا بيتحكم ف كل حاجة
والله انا هحاول ابذل كل طاقتي علشان اخرج من اعدادي بتقدير
وان شاء الله تتعوضلك السنة الجاية وشد حيلك يا بشمهندس
itstoolate:
الله يبارك ف حضرتك
بس هما بقى 9 سنين انا داخلاها ع اساس انها 5 بس ولا حضرتك عملي حساب الوقعات:)شرفتني يا فندم
محمود عزت:
لا والله مقصدش قصدي شكلهم زي الفل وشطار جدا :)
تعرف كل الناس بيقولولي كده حتى الناس ف الشارع حاجة غريبة فعلا بس هما الدكاترة ليهم شكل معين ؟؟ :D
zangoolaaa:
الله يبارك فيك بس تعرف محدش قالي عنق الزجاجة والكلام ده قالولي اللي جاي اصعب من اللي راح :(
هنشوف ومتقلقوش هقولكوا كل حاجة بمعنى اصح هزهقكوا من النظام الجديد بتاعي :D وربنا يوفقنا كلنا
الف مبروك يابشمهندسه
ايامى مكنتش الطوابع استيكر
شفتى انتى محظوظه ازاى
خبر بمليون جنيه ناريمان شريف معاكى فى الكليه ومريم معايا شفتى الحلاوه
بصي المذاكره طبعا طبعا مهمه اوي ...
لكن الحضور اهم علشان درجات اعمال سنه كتيره اوي بتبقي علي الحضور و الامتحانات الصغيره اللي في النصف خلي بالك امتحانات اعمال السنه و المعامل و الورش و الغياب دي حاجات مهمه اوي اللي بياخدها مع شويه مذاكره معقولين بينجح ... سيبك من القعده برا الكليه و الخروج و القعده جوا الكليه من غير ما تحضري الحضور شيء اساسي اساسي اساسي
اكيد اللي بيذاكر مذاكره ثانويه عامه في هندسه بيبقي امتياز علي طوووول
بس حضور الورش و المعامل و السكاشن مهم اوي اوي بشكل مش هتتخيليه
انتوك
الف الف مبروك والله خبر سعيد جدا في جه في وقته في ظل كل الاحداث الجاريه
شدي حيلك وروحي حضري نفسك للجامعه يا ستي
انا لقيت جدو بيبارك
قلت كمان انا لازم أبارك والف مبروك
مبروووووووووك يا بنتى و الله انتى ربنا بيحبك عشان ماجتلكيش هندسه عين شمس دى لوحدها لازملها ركعتين شكر ل الله
عوليس:
الله يبارك فيك بس تصدق انا كان نفسي متكنش ستيكر بس رايك اني محظوظة انها استيكر:)
رضوى:
شكرا ع الاخبار السارة بس انت اللي هتدبسي مش انا انا مش هيبقى ليا علاقة بناريمان بس انت ورينا شطارتك وتخلعي من مريم:)
انتوك باشا:
شكرا ع النصائح الثمينة دي وانا خلاص كتبتها علشان منساش
يعني اذاكر زي الثانوية واجيب تقدير كويس انا كنت بحسب هقطع نفسي من المذاكرة علشان اجيب تقدير بس زي الثانوية يبقى عادي:(
محمد مفيد:
الله يبارك فيك تصدق انا بقيت اكره اتفرج ع النشرة وع الجزيرة او اقرا اول صفحة ف الجرنان من النكد لاللي احنا في
انا خلاص هقوم بالواجب لاستقبال العام الاول ي ف الجامعة انا بقيت طالبة جامعية يا فرحتي :)
pharoinlove:
الله يبارك فيك
ماما مكسوفة:
نورتيني والله يبارك ف حضرتك
darine:
الله يبارك فيك يا ستي
بس هيا هندسة عين شمس بشعة اوي انا سمعت كلام عنها كانها حاجة صعبة اوي كده بس انا الحمد لله المجموع والتوزيع الجغرافي انقذني منها ورحت القاهرة :)
ابيتاف:
تصدقي وانا كمان كنت متنكة اوي ولو اني كنت خايفة برضه معرفش ليه سبب الخوف ده حاجة غريبة فعلا عارفة احلى حاجة الواحد تجيله الحاجة اللي عايزها من زمان بيفرح اوي عقبال ما تتخرجي بتقدير امتياز مع مرتبة الشرف-مش اسمه كده برضوا- والله يباررك فيكي انا هفضل رافعاها هيه هيه هيه :)
اللـــــــــــــــــه
اخيرا خبر حلو
الف مبروك يا جميلة
عقبال التخرج
شدي حيلك
فين الجاتوه بقي؟
خالص تحياتي
الف الف مبروك
وشريحة اولي كمان
الف مبروك
بس لو كنتي جيتي لي هندسة حلوان ... انا كنت ظبتطك
مبروك يا نوران
اعتقد هاتسمتعي جدا بالهندسة الوصفية
:)
و خللي بالك ... المطعم اللي جنب مدرج الساوي بيعمل سندوتشات بطاطس كويسة جدا
ابتاف:
هدعيلك طول السنة علشان المرتبة وربنا يكرمنا كلنا :)
كلبوزة لكن سمباتيك:
تصدقي مبقاش في اخبار حلوة خالص اليومين حاجة غريبة بس الحمد لله الله يبارك فيكي والجاتوه هابعتهولك علطول انزل اشتري دلوقتي :)
استاذ ادم:
الله يبارك فيك شفت شريحة اولى الحمدلله القاهرة جنبنا ايه اللي هيوديني حلوان كنت هتعذب مواصلات صح ولا ايه :)
عمرو:
الله يبارك فيك يا بشمهندس
رايك اني هستمتع بجد :)
يا سلام جبت المفيد السندويتشات انا معقدة من موضوع السندويتشات ده :)
الله يبارك لك نجاحك يا قمرة وعلى طول ان شاء الله
10000000000000000
مبرووووووووووووووووك
عقبال ما تسهري تحضري رسالة الدكتوراه
الف مبروك
ربنا بوفقك و تكونى من الناجحين دايما
و تدى كتير لمصر
شغف:
الله يبارك فيك وشكرا ليك وشرفتيني يا فندم
دنيتي:
الله يبارك فيكي يا رب اسهر علشان الدكتوراه يا رب يا بختك يا ستي خلصتي خلاص :)شرفتيني يا فنانة
اسلام يوسف:
الله يبارك فيك ويا رب انفع بلدي يا رب وشرفتني يا فندم
fakarteny wlahy bel ayam de ......bas da5alty handsa leh???
srry wlahy ma2sodsh aday2ek bas shofy aeh elly be7sal le btoo3 handsa w lw nefsek feha etwakely 3la allah b2a :D
alf mabrook
يااااااه
هي كليه هندسة دي لسه موجودة ولسه برده من كليات القمة
الدنيا مابتتحركش بس على ايامنا كانت بتاخد من تمانين في المية والاول ع الجمهورية كان بيجيب سبعة وتسعين في المية
الف مبروك يانوران
كلمة:
الله يبارك فيك وانا داخلاها بكامل قواي العقلية وهستحمل اللي هيحصلي ان شاء الله
عمو احمد شقير:
لا دي واخده السنة دي من 95 يعني ايه
بقت من القمة الجامدة كمان
الله يبارك في حضرتك
الله يكون فى عونك
من هندسه اتصالات القاهره
awwalan alf mabrook 2abl ay 7aga .....
thaneyan ana mesh 3ayez adaye2ek ,,bas ana kont zayyek keda men 4 seneen belzabt ,we eldenia wardy we kollo tamam le3`ayet mada7`lt handset el qahera bardo....mesh homma bey2olo 3la masr maqbaret el 3`ozah ???...ahy handset el qahera deeh b2a maqbaret el talba ...ana mesh 3ayez a7betek aktar men keda ...bas bgd fakkry kowayyes 2abl matoqdemy 3la hazeehe el 7`atwa......we rabbena m3aky isa !
littilemo:
ربنا يكون ف عونا جميعا اخش اتصالات يعني ولا ايه ؟
CAptain I.j.silver:
الله يبارك فيك بس والله كلامك مش بيضايقني ولا حاجة بالعكس كتير قاالولي كلامك وانا فرحت حسيت انكم بتنصحوني بس بصراحة ده حلمي من وانا صغيرة اني اخش كلية الهندسة حتى بابايا مش مهندس ولا حاجة ولا كان عايزني ابقى مهندسة طبعا كان عايزني دطتورة بس انا مردتش بس بجد شكرا بس انا سمعت ان تجارة هي مقبرة الغزاة مع كل احترامي ليها طبعا كلية بابايا ومامتي مينفعش اقول حاجة عليها:)
classical_feelings:
يا سلام شكرا جدا انا قلت ارد علشان يبقوا 38 منظر كويس :)
مبروك يا بشمهندزة ووعقبال ما تتخطي الجامعة وإنتي لسه "بكامل قواك العقلية" هاهاها معلش في آخر سنة وعارف نفسي
اهلا بيكى فى عالم سمسم هندسة القاهرة الاخ اللى بيقولك يا بشمهندزة بكرة هتعرفى ان الطريق مش سهل مليان قرف
وهتعرفى ان الثانوية العامة دى هنا انا مش بعقدك بس فى فرق بين انا نفسى
فى ايه واقدر اعمل ايه
انا مثلا من كتر ما فعدت فى الكليه مش فادر اسيبها
زى ما تكونى مراتى بالظبط
دة حتى لو كانت مراتى كان زمانى طلقتها
على العموم الف مبروووووووووووك
Car Finance Team say, it's nice blog, nouran.
Good luck
wow gold！All wow gold US Server 24.99$/1000G on sell! Cheap wow gold,wow gold,wow gold,Buy Cheapest/Safe/Fast WoW US EUwow gold Power leveling wow gold from the time you World of Warcraft gold ordered!fanfan980110
wow power leveling wow power leveling power leveling wow power leveling wow powerleveling wow power levelingcheap wow power leveling wow power leveling buy wow power leveling wow power leveling buy power leveling wow power leveling cheap power leveling wow power leveling wow power leveling wow power leveling wow powerleveling wow power leveling power leveling wow power leveling wow powerleveling wow power leveling buy rolex cheap rolex wow gold wow gold wow gold wow goldfanfan980110
dsfss
Post a Comment