اولا اعتذار ارجو ان تقبلوه
بناء ع طلب سيادة الوالد " بابايا الحبيب" انشر اعتذاري عن الاخطاء الغير مقصودة ف البوست اللي فات اكلمة الثورة الثورة الثورة الواو قبل الراء نأسف اصلي كنت بفكر هعمل ايه بالثروة اللي معايا ما انا ناجحة بقى :)
وعن كلمة غايبين والمفروض جايبين بالجيم مش الغين
وما خفي كان اعظم انا حاسة ان محدش خد باله اصلا :)
ثانيا: رسالة الى عمي الحبيب "عمو احمد حبيبي" وصديق طفولتي-ع فكرة عمو كبير يعني مش تقارب سن -اوك
يا رب تقوملنا بالسلامة يا رب بعد اجراء لجراحة بسيطة معرفش ايه نوعها بس الحمد لله خلصت ع خير
عمي يبقى اخو بابايا وابن جدي ده طبيعي اما صديق طفولتي فعلشان هو الوحيد اللي كنت بكلمه ف العيله اصل انا كنت ف السعودية مع بابا وماما زمان وهو كمان كان هناك فان الوحيد اللي انا مستعرفة عليه وكان بيلعب معايا كوتشينة وكنت بكسبه متقولوليش ازاي طريقة النصب السرية بتناعتي وانا عندي اربع سنين طبعا كنت بلعب اصعب لعبة فيكي يا مصر كنت بلعب الكومي واخد كل الاولاد لنفسي والسبعة الحمرا السنبوكسة وبكده كنت بكسب من الدرجة الاولى طبعا :)
وكان بياخدني معاه الشغل يوم الخميس علشان نص يوم واي حد يساله مين ديه يقولوه دي سكرتيرتي الجديدة وطبعا كمية الحجات الحلوة اللي كنت باخدها كنت متروقة فعلا وكمان عملي اسمي ف ورقة كبيرة بالبالونات وفي كل بلونة فيها حرف ع الكمبيوتر عندي لحد دلوقتي
يا سلام وكان برضه بيلعب معايا اتاري ايام ما كان الاتاري هو الكل ف الكل وعايزة اقوله علشان هو هيخش عندي ويشوف انا كتبت ايه انا والله العظيم بحبك اوي يا عمو ويا رب تكون دي اخر العمليات :)
ثالثا:موعدنا يوم الخميس 27 لنشر الكلمات اللي فكرت بيها ليالي فكرة كويسة نعمل حاجة احسن من مفيش
كلنا مع لبنان وفلسطين ضد اسرائيل والمحتلين بالعربي بالانجليزي المهم نسمع صوتنا للعالم وان لم نستطيع "حمل السلاح فالنحمل الكلمه وبأي لغة نستطيع نشرها
بالإنجليزيةWe are with Lebanon and Palestine against Israel and occupiersوالفرنسيةNous sommes avec tous le Liban et la Palestine contre l’Israel et les occupantsو
الألمانيةWir sind zusammen mit dem Libanon und Palästina gegen Israel und Besatzer
والإسبانيةSomos todos con Líbano y Palestina contra Israel e inquilinosوالصينية我们都是同黎巴嫩和巴勒斯坦对以色列占领者
واليابانية私達はイスラエル共和国および占有者に対してレバノンおよびパレスチナとのすべてである
مع اني مش فاهمة اي حاجة من المربعات دي بس الترجمة بتاعتها بالعربي فوق
7 comments:
I read on ur blog that u are 17. I am honored to have logged on and read ur posts... And proud that u, and many young Arabs, do care and understand the situation more than so many elders in high ranking positions. Keep up the good work.. I'll make sure to log on and biew ur blog whenever I have the chance... W ba2ithn Allah Samidoun...
اولا حلوه موضوع الثروه باين عليكي معاكي 5 جنيه محيرينك
ثانيا نعمه من الله حبك لعمك وصله الرحم
ثالثا اخبار التنسيق ايه؟
مبروك النجاح و دايما ناجحة ان شاء الله
باقة ورد
و دستة جاتوه
وقلم حبر تكتبي بيه كل اللي في قلبك
لان قلبك جميل و نفسنا نقرأ كلنا اللي فيه
خالص تحياتي
الف الف مبروك يا قمر
وألف سلامة على عمك
post 7elw ;)
bs 3yzen ne3raf akta 3n 3amo a7mad :))))
good luck always ..
a7la 7aga enek 3afawya :)
beebee:
ربنا معاكوا يا رب وتصمدوا لحد ما هما يمشوا ويريحونا واحنا كلنا بندعلكم ربنا معاكم
wa3d el3yoon:
تصدق حاجة جميلة اننا نحب حد غير بابا وماما خصوصا لما يبقوا طبيعي قريبين مننا من واحنا صغيرين
والله انا بقراها كل مرة بس مختش بالي بابا هو اللي قالي فقلت من الواجب اقدملكوا اعتذار رسمي :)
لا هيا مستعرفة غير متعرفة انا بحس ان مستعرفة اشمل من متعرفة
متخدش ف بالك المهم ان فيها الحروف نفسها وبنفس المعنى
شرفتني يا بشمهندس :)
ابراهيم:
الله يسلمك
انا قلت اكتب بوست التنسيق ده بعد ما استلم جواب الترشيح بايدي وافضل ماسكاه اتفرج عليه وبعدين .....اه احطه جنب الكمبيوتر واحكي ع التنسيق علشان اكون اتطمنت:)
محمد مفيد:
الثورة باينة جدا طبعا مكنش ف جيبي غير 50 قرش طبعا محصلوش جنية حته مش عارفة اجيب بيهم ايه ولا ايه علشان مفيش حاجة تتجاب بيها اصلا
والحمد لله ع كل شئ:)
اما التنسيق فبيقولوا النتيجة السبت
وان شاء الله اكتب بوست لما يوصل الجواب
كلبوزة لكن سمباتيك:
الله يبارك فيكي :)
شرفتيني
voice of love:
اولا حمدلله ع سلامتك ان شاء الله تكوني كويسة دلوقتي
ثانيا الله يبارك فيكي
والله يسلمك ويبعد عنن جميع العمليات السهلة والصعبة يا رب:)
zangoolaaa:
كويس انه عجبك :)
ان شاء الله تعرفوا اكتر وربنا يخففه بالسلامة وبسرعة يا رب علشان يلعب معايا تاني بس المرة دي شطرنج :)مش كوتشينة
دى اول مرة ادخل علي مدونتك والظاهر اني وش حلو عليكي الف مبروك
Post a Comment