Saturday, July 15, 2006

فاضل اقل من 24 ساعة

حقيقة مش خيال نوررررررررران فوقي النتيجة بكرة
يا سلام ما انا عارفة
انتي خايفة
انت بتسألي ده سؤال انتي متعرفيش الامتحانات كانت عاملة ازاي
ما انت حليتي خلاص وخلصت واللي حصل حصل
هو ايه اللي حصل حصل
خلاص النتيجة مكتوبة ومفيش حاجة هتغير اللي مكتوب
شكرا جدا
حاولي تهيئي نفسك انك هتنقصي
انقص ده انا يجيلي ترالالي
مش انت بتقولي الامتحان كان صعب ما انت كنت معايا
انا عارفة انه صعب بس انت حليتي كويس
مين قالك ده تفاؤل انا محلتش حلو وهنقص في الميكانيكا والاقتصاد و الفيزيا والعربي حتى المستوى رفيع كان صعب جدااا
مش صعب قولي رخم والميكانيكا كلها من الكتاب
الاستاتيكا اه لكن الديناميكا لا
بصي لن يصيبنا الا ما كتبه الله لنا
ع رايك امري لله اروح استنى الوزير يكلمني بكره الساعة 11
انت هبلة يا بنتي
اسكتي انت انا عارفة انا بقول ايه
من الاخر ده حوار كل يوم في دماغي اكلم وارد ع نفسي في نفس الوقت وفي الاخر اتريق ع نفسي واقول اروح استنى الوزير من غلبي
انا خااااااااااااااااااايفة جداااااااااااااااااااا وبحاول اهيئ نفسي للصدمة وطبعا بابا واماما يقولولي انت عملتي اللي عليك وربنا هيجزيك ع قد عملك-طبعا انا بسمع دي ودماغي بتضرب-وبعدين يقولولي مش هنزعل اي حاجة تجيبيها هتبقى كويسة- انا عارفة انهم بيقولولي كده بس بس هما هيزعلوا من جوه-بس انا حاسة اني عملت اللي عليا بس الامتحانات صعبة يا ماما ومليش مزاج اعيط علشان بصدع من العياط فده حل مش كويس وكمان السنة اللي فاتت محدش متوقع المجموع واتفاجئوا فالسنة دي كلهم مستنين المجموع القنبلة اللي هتفرقع فيا انا كفاية كدة
نسيت اقول حاجة كنت مع رشا النهاردة كنت مبتئسة برضه وبقولها: بصي لو جبت مجموع معجبنيشهتوقف عن التدوين وممكن ارمي البلوج
هي : وايه العلاقة بين النتيجة والبلوج انت هبلة
انا: لا علشان اعاقب نفسي احرمها من حاجة بحبها
طبعا رشا مقتنعتش بالكلام ده بس والله الموضوع ده بيدور في راسي بس مظنش اعمل كده ممكن اخد اجازة تصالح مع نفس الكلام ده لو لقدر الله جبت مجموع وحش انا خايفة جداااااااااااااااااااااااااااااااااااااا
ع فكرة انا ممكن مخشش علطول بعد النتيجة علشان مش هبقى في البيت بس هتعرفوها ان شاء الله كويسة او مش سواء مني او من رضوى او من رشا او من رضوى عندكم مصادر متعددة :)

7 comments:

Gbalawy said...

لا حول ولا قوه الا بالله
والله بشفق عليكى
رجعتينى اكتر من عشر سنين بالظبط
بس عارفه عيشى اللحظه كما هى صدقينى هاتفتكرى كل لحظه من اللحظات دى
ويارب يكرمك انت ورضوى ورضوى ورشا و و و و
على فكره محدش بياخد اكتر من نصيبه وسبيها لله
بس نصيحه مسئله عقاب النفس ملهاش لزمه لكن حاسبى نفسك وبس


تحياتى يامودمازيل

m_elsewedy said...

ان شاء الله ان شاء الله
99%
وتدخلى كلية الزراعة اللى نفسك فيها من زمان
:P

مـحـمـد مـفـيـد said...

والله ربنا هيوفقك وتجيبي مجموع كبير بأذن الله
بس المهم تجيبلي حاجه حلوه ومش هواصيكي علي الحاجه الساقعه
بالنجاح ان شاء الله

غادة الكاميليا said...

نوران هو انتي عايزة تدخلي زراعه يا بنتي ليه كده بس من إيه لأ أنا عايزة أشوفك مهندسه قد الدنيا ونفتحلك عياده ف وسط البلد وتحتها صيديله علشان الرزق يوسع
روقي يا بنوته ربنا هيوفقك إن شاء الله
بس متنسيش الحاجه الحلوة

Ahmed Rashwan said...

هاااااا
إيه؟؟ا
إيه الأخبار؟؟
مليش دعوة عاوز الحلاوة

عازفة الكمان said...

لا طبعا هي عايزه هندسه او حاسبات و معلومات و ان شاء الله هتدخل واحده منهم

Nouran said...

شكرا والله لكل اللي وقفوا جنبي في المحنة دي :)

جبلاوي:
الحمد لله ربنا كرمنا من وسع والحمد لله سبتها ع ربنا

ابراهيم:
ضحكت اوي ع ايه ؟؟ يعني انت وانت ف ثانوية عامة مكنتش خايف :)

سويدي:
عرفت ازاي اني عايزة اخش زراعة بس المشكلة اني نقصت في الانجليزي :)
ملحقتش ال99 بس الحمد لله

محمد :
والله لو الحاجة الساقعة بتتوزع ع النت كنت وزعتها ابعتلك ع الكريدت حقها :)

غادة الكاميليا:
انا افضل اني افتح محل بيع للاحذية واقف بيه بشهادة الزراعة اللي هيديهالي سويدي وممكن ينادوني يا بشمهندس

film69:
الحمد لله الاخبار حلوة بس هبعت الحلاوة ازاي؟؟؟

رشا:
كل اللي يجيبه ربنا كويس :)